舖仔小店

 http://hk.apple.nextmedia.com/supplement/special/art/20160317/19532155

專題籽：舖仔小店】
對 很多人而言，咖啡店，辦公室也，最後一口咖啡，是自己一日未飲完一日都係客的憑證。最好有個具份量的膀胱，確保工作完成前不用含淚告別靚位。印度裔棟篤笑 匠Vivek Mahbubani（阿V），平日找地方度gag時都有類似經歷，所以才如斯喜歡$60任飲兩小時的Think Cafe。一年多前，老闆江鋒（Mark）還開設了5毫子一分鐘的共用工作空間「想+立刻」，為一人公司及自由工作者提供「落腳點」，撮合各路人馬，連阿 V都「賺」到不少人脈。

鏡頭前高呼：「唔飲到手震我唔走。」阿V說的當然是笑話，但對於飲杯咖啡都要留意自己飲剩幾多，怕遭白眼怕被趕的人，真是笑中有淚。開業六年的Think Cafe，一直提供buffet式任飲，淨飲當然無癮，阿V認為這裏似個offline交友平台，讓他結識五湖四海得意人，賜他新意念。「我喺呢度表演， 試過識到一班人，逢星期六成堆出嚟玩，但規矩係活動唔可以重複，每個禮拜都要玩新嘢，好啟發到我，原來咁都得。」面對面傾偈，總係有火花。好彩這裏活動多 多，除了棟篤笑，市集、講座、展覽、工作坊甚麼都搞，一間cafe隨時變身又還原，給大家好多藉口跟人搭訕。講到搭訕吹水王，一定要數這裏的老闆 Mark，跟他鬥多口水，只會輸九條街。「facebook的feed會不停更新，同樣道理，只要坐喺度，Mark就會忽然走過嚟，問我有冇新嘢想試。」 初認識Mark，你會覺得佢個腦構造奇特，意念多到講極唔完，阿V漸漸跟他由合作夥伴變成好友，「他會向其他人介紹我，成日幫我諗點樣擴展生意，絕對唔係 為自己利益。」阿V大讚Mark的心態是win win。聽畢這個例子，記者暗忖：hey，佢同你friend，這樣很正常吧！好，繼續聽落去。

兩小時工作　Freelancer劃一收$400

帶電腦到cafe返工已成常態，Mark年前乾脆多租一層，設計成共用工作空間「想+立刻」，「出去做嘢，最大問題係去唔到廁所，唔可以置機不顧。」要安 心做嘢，還是該遠離cafe，去有cafe感的工作室又如何？這裏有WiFi、影印、儲物櫃、會議室、一星期七日24小時開放、樓下cafe仲會無限供應 咖啡茶水，就連零食都有，讓人有在家開工的感覺。「我哋逐分鐘計，五毫子一分鐘。」喂，夠彈性，確吸引。好多人想找個安靜的落腳點工作兩、三小時，尤其 freelancer。「當然可以畀月費租啦，但你要佢哋每個月拎幾千蚊出嚟，佢哋又未必需要。」首一小時$39，之後每個鐘才$30，租用方式夠彈性， 與一人公司及freelancer一拍即合。阿V說在這裏工作，容易遇上知音人，「自僱人士之間好似有第二個共通語言咁，唔會再講收入唔穩定喎呢啲，邊個 唔知箒。」大家可以交換心得，講吓點樣解決困難，one man band都可以有幾個同事咁，又幾warm喎。
資源共享可算是新興概念，共用辦 公室是典型例子，不過更值得共享的是人脈！Mark原來另外創立了中介網站平台「立刻開工」，把中小企及freelancer連結起來，你出job我接， 由他們作中間人統籌，省卻雙方磋商時間，「我哋將通常可以喺兩小時入面完成嘅平面設計、文書、剪片等工作標準化，服務劃一收費 為$499，freelancer實收四百元。」開始工作前資方要備好材料、定好方向，工作是1到2，不是由0至1，相對簡單。心裏心裏仲有萬千個謎？平 台疑問解答見於文末。
採訪當日，有很多幫襯過服務的小公司創辦人都表示滿意，覺得這個年頭創業比以往容易，無論在網上按幾個鍵買個服務的商戶，或 接了工作的freelancer，都異口同聲說喜歡親身到工作空間見個面，一同完成工作，然後結識其他小公司老闆，各種機遇充滿在這小小的空間。本來孤軍 作戰，力量忽然聚合，其實可以很強大，Mark說：「店不用大，但網絡要廣，說到底做生意都係講人脈，以前啲人成日話文人相輕，文人互相唔鍾意，我會話商 人互撐，只要大家互相信任，經營成本就會減低。」阿V又補充：「有時樓上嘅人做咗成日好累，會落嚟cafe睇睇有冇乜表演可以睇，我都因為咁認識咗好多中 小企老闆、員工，呢個地方的確擴闊了我嘅人際網絡。」共贏就是大家一同有增長，「共享」在這兩個小小的空間，確實發揮不錯。

Think Cafe

‧$60任飲兩小時
‧經常舉辦不同活動，例如市集、講座及棟篤笑等

Mark（左）經常把阿V介紹給有生意往來的中小企老闆，看他們有沒有興趣請阿V教工作坊、做表演等。

Cafe曾辦過市集，阿V認為這裏的多元化活動能引來各式古靈精怪有趣人。

兩小時內，可在cafe任飲咖啡等飲品，還只收$60。

Mark說這張海報的例子很好，商戶本來連相片也沒有，平日製作一張poster可能少則幾天，但這張只用了四小時，貨品拍攝兩小時、設計兩小時，搞掂。

想+立刻

‧共用公作空間
‧首一小時$39，之後每分鐘$0.5
‧提供WiFi、影印機、儲物櫃及會議室設備，還可任飲咖啡等飲品

會議室十分寬敞，還有投射屏幕，用來開講座也不錯。

這裏有影印機，也有儲物箱，信箱還可當作郵寄地址。

共享工作空間極富彈性，把椅桌搬走，便可開個小型畫展。

立刻開工

‧網上接Job平台

時昌迷你倉行政總裁時景恒（左）也用過「立刻開工」服務，還讚設計師Julian（中）及German的設計令他喜出望外，認為Mark在監管freelancer質素方面做得不錯。

German曾為時昌迷你倉的模型figure倉的外觀做設計，工作複雜價錢當然另議。

HelloReporter是專門幫新創公司及中小企宣傳的一人公關公司，Tim認為這裏經常搞活動，吸引不少新創公司老闆前來，是認識潛在合作夥伴的好地方。

「立刻開工」有疑難？

問：劃一收費$499，係咪想蔗渣價食燒鵝，剝削設計師、攝影師？
答：錢的確不多，但設計師都覺得尚算公道，因為的確是兩小時能完成的工作。聽畢客戶方向，有問題可選擇不接。
問：有冇手尾跟？會唔會改到天荒地老？
答：客戶收貨後如要改，須加錢，設計師如覺不合理，可選擇不改。
問：有其他更高薪的工作嗎？
答：客戶與設計師可保持聯絡，如客戶有大型、較複雜的工作，雙方可以自行議價。

Think Cafe　銅鑼灣駱克道491至499號京都商業中心19樓B

想+立刻　銅鑼灣駱克道491至499號京都商業中心21樓B